Um mig

Mín ástríða í vinnu er að hjálpa fólki að ná árangri. Til þess að ná árangri þarf fólk að finna út hvert það vill stefna, hvaða árangri það vill ná, greina hverjar hindranirnar eru og læra leiðir til að yfirstíga þær.

Ég er starfa sem mannauðsleiðtogi (HR Manager hjá Orkuveitunni og held utan um mannauðsmál Veitna, sem er eitt dótturfélaga Orkuveitunnar. Áður var ég forstöðumaður Opna háskólans í Háskólanum í Reykjavík, þó aðeins í rúmt ár, en þar áður starfaði ég í mörg ár á Líf og sál sálfræði- og ráðgjafastofu.

Ég hef starfað sem sálfræðingur í rúmlega 12 ár og hef á þeim tíma öðlast víðtæka reynslu sem nýtist mér í mínum verkefnum í dag. Ég sinnti samtalsmeðferð í 11 ár, fyrst á Landspítala og síðan á Líf og sál sálfræði- og ráðgjafastofu. Með þeirri vinnu öðlaðist ég mikla reynslu og færni í að hjálpa fólki að leysa úr sínum málum. Samhliða þessu hefur ég sinnt kennslu á háskólastigi og sinnt verkefnum á sviði íþróttasálfræði og vinnusálfræði. Á undanförnun árum hefur ég lagt vaxandi áherslu á verkefni á sviði íþróttasálfræði. Reynsla og þekking úr starfi sálfræðings hefur verið kjarninn í nálgun minni og árangri í þeim verkefnum sem ég hef tekið að mér.

Íþróttasálfræði

Ég hef unnið með íþróttafólki og íþróttaliðum undanfarin 10 ár, eða frá árinu 2014.

Vinna með íþróttafólki

Ég þjónusta íþróttafólk á ýmsum aldri, í öllum íþróttum og á mismunandi getustigum - sem þó á sameiginlegt að vilja ná lengra í sinni íþrótt. Ég starfa með íþróttafólki sem er að undirbúa sig fyrir stórmót, að fóta sig í atvinnumennsku erlendis, yfirstíga hamlandi stress og kvíða, takast á við erfið meiðsli eða íþróttafólk sem einfaldlega vill skerpa fókusinn sinn og ná auknum árangri.

Vinna með íþróttaliðum

Algengustu verkefnin sem ég sinni eru í formi fræðslufunda. Stundum er um að ræðakem ég með 1-3 fundi en í sumum tilvikum fylgi ég liði eftir í lengri tíma og verð þannig hluti af liðinu og felur sú nálgun í sér fleiri fundi og þó oft með mismunandi sniði. Þegar ég starfa með liði í lengri tíma þá felur starfið oft í sér stuðning við þjálfara og einstaka leikmenn.

Dæmi um lið sem ég hef starfað fyrir á undanförnum árum eru:

• Breiðablik - mfl. kvenna í fótbolta.

• Grótta - mfl. karla og kvenna í fótbolta.

• Stjarnan - mfl. kvenna í handbolta.

• Stjarnan - mfl. kvenna, karla og blandaðs hóps í hópfimleikum.

• HK - mfl. kvenna í handbolta.

• KR - mfl. kvenna í fótbolta.

• Skautafélag Reykjavíkur - listskautar.